Mae’r Panel Dinasyddion Plant a Phobl Ifanc yn cynnwys plant a phobl ifanc 11-25 oed, ar draws Caerdydd sydd wedi cytuno i roi eu barn ar nifer o bynciau ymgynghori drwy gydol y flwyddyn. Bydd aelodau’r panel yn rhannu eu barn trwy lenwi arolygon ac, o bryd i’w gilydd, trwy gymryd rhan mewn gweithgareddau eraill megis grwpiau ffocws, gweithdai neu fforymau.
Drwy fod yn rhan o’r ymgynghoriadau hyn, byddwch yn:
- Helpu’r rhai sy’n gwneud penderfyniadau yng Nghyngor Caerdydd a gwasanaethau eraill, megis y Bwrdd Iechyd, Trafnidiaeth ac Addysg, ar draws y ddinas i wneud Caerdydd yn lle gwell i blant a phobl ifanc gael eu magu ynddo
- Gwireddu eich hawl i gael eich clywed dan erthygl 12 o Gonfensiwn y Cenhedloedd Unedig ar Hawliau’r Plentyn (CCUHP)
- Helpu Cyngor Ieuenctid Caerdydd i eirioli dros newid cadarnhaol a hawliau plant ledled dinas Caerdydd
- Wedi’ch ychwanegu at raffl dymor lle gallech ennill taleb £50